الكنز الثمين في طق البرغي والاسفين

مين فينا ما سمع عن طقطقة البراغي باللهجة السورية ؟؟؟؟

مين فينا ما عمرو طقولو برغي طلع من أحف راسو؟؟؟؟

طيب عمرك فكّرت شو معنى البرغي…

البرغي باختصار: هو ضحك بالوجه ومن وراك بيحكي عنك للمسؤول بكلام صحيح أو كذب وإنتا بتضحك وبتلعب ومش عارف شو بيصير ورا ظهرك….

أنواع البراغي؟؟؟؟

البراغي أنواع عدة نذكر أشهرها، حاول تراجع البراغي اللي أكلتها بحياتك واللي إنتا ضربتها وشوف بتنتمي لأي نوع:

البرغي الموجّه

——————————

ويتكون هذاالبرغي من رأس أحادي يكون موجّه إليك مباشرة من عدوّ لك بالشغل متربص فيك ومستنّي الفرصة وإنتا من شطارتك أعطيته الفرصة

فطقلك برغي محترم

البرغي الجماعي أو– ملتي رغي

وهذا من أقوى البراغي ويكون مفعوله شديداً وبكون مجموعة من الموظفين بيضربوا موظف واحد… برغي من الآخر عند المدير… وطبعاً لإنهم جماعة المدير راح يعتبر إنهم صح وإنتا غلط..

برغي متعدد الاتجاه أو – ملتي دايركت برغي

وهذا البرغي بتضربو عند مديرك وإنتا قاصد فيه- والنية بالقلب – شخص معين وإنو ما بحافظ على مصلحة الشغل وإنو ضد مبادئ الإدارة وبالجملة بتلطشلك خمس ست موظفين بالمعيّة مش عاجبينك وشايف إنهم ممكن يضرّوك، وهذا يعتبر من أذكى البراغي لإنك ضربت عشر براغي بحجر واحد…

برغي الرحمة

وهو برغي نادر تطلقه بحالة تشوف صاحبك تعبان من الشغل ومش عاجبته الشركة والموظفين بيعطوه شغل كتيير فوق طاقته والأخ ممكن من الضغط يروح فيها…فبتروح حضرتك عند المدير وبتلعن سنسفيل أبوه لصاحبك حتى يقوم المدير ويقدم فيه عريضة ويكحشو وهيك بتكون إنتا أطلقت عليه رصاصة الرحمة وخليته يقعد بالبيت معزز مكرم…

إن دايركت برغي

وهو من أقل البراغي فاعليّة يصدر من واحد قرفان زهقان عندو مبدأ عليّ وعلى أعدائي وبروح على المدير وبدال صباح الخير بحكيلو: ‘إنتا لو بتضبّ موظفينك بدل ما إنك قاعد ورا الكرسي، ولك شوف شو عم بصير…’ وبتصير تسلخ شمال يمين و إنتا مو عارف ليش أو مين بس كل هدفك تفش غُلّك وطبعاً ما تتوقع الشباب حيسيبوك بعدها لإنك لكشت الكل وما إلك صاحب…

برغي ريفيرس

وهو من أغبى البراغي يصدر من إنسان غبي معوّق رايح يدق صاحبه برغي بلاقي حالو إنه دق بحاله برغي !!! مثلاً بتحكي للمدير: ‘ترى خالد طول نهارو بدخّن بالشركة (وطبعاً الدخان بالشركة ممنوع) والمشكلة إنّو دايماً بتسلبط عليّ وبدخن من باكيتي…..’

برغي طويل المدى

وهذا البرغي لا يطلقه إلاّ الخبثاء وهو على دفعات وقليل الجرعة بتضلّك تزت براغي صغيرة ومع الوقت بتتجمع عند مديرك إنو فلان الفلاني عليه مشاكل كثيرة ولازم نأدبو وهيك إنتا بتكون كإنك ما عملت إشي – تراكمات يعني – وهادا برغي مضمون النجاح وقد أثبت فاعليته عند الشباب ا لطيبة

برغي موجّه بالأقمار الصناعيّة

وهذا البرغي ما إلو علاج ولا مضاد حيوي لإنه برغي من شخص واصل من فوق فالأفضل تاخد حذرك من هيك أشخاص عشان تضمن حياة سعيدة هانئة بشركتك

ومثل ما إحنا شايفين تختلف البراغي بنوعها وتأثيرها، بس من خبرتي إنو راح ييجي يوم أسود عليك تنردلّك كل برغي ووقتها حتبكي دم على براغيك القديمة ولو سألتني بحكم خبرتي البسيطة

1- عليك بتناول الكثير من فيتامين الوقاية ‘فيتامين واو’ (الواسطة) لإنها بتشكل جهاز ردع ضد طقاقين البراغي

2- عليك بالإكثار من الحذر والخبث والتحفظ…..ممكن ذلك يخفف فقط ولو إنو البعض يشكّك في ذلك ويقول: وداوِها بالتي هي الداء….يعني طقلو برغي فيه الصبح قبل ما يطقلك برغي فيك المساء

3- إمشي الحيط الحيط ودايماً قول حاضر ….ولا تقول لأ….ومع ذلك برضه بدو ينطقلك برغي مش بكيفك مكتوب عليك

4- كل يوم صبّح على مديرك وإسألو: آه شو الأخبار؟ إن شاء الله ما في أولاد حلال حكولك شو حكينا عنك مبارح؟؟؟

وطبعاً في أنواع آخرى لم تذكر متل : برغي سن صاج – و برغي خشابي – و كرنك بولاد

ملطوش للفائدة للفائده العلميه والاجتماعيه

Advertisements
Post a comment or leave a trackback: Trackback URL.

تعليقات

  • aicha  On مارس 22, 2011 at 6:27 م

    استاذي السلام عليكم
    مررت لاطمئن على جاري ووالدي الفاضل
    فمهما غيابي لم انسى جيراني الذين قضيت معهم اوقات جميلة عبر التعليقات والمواضيع المفيدة اتمنى ان تكون بالف خير
    ان شاء الله سنتواصل
    اليوم قرات خبر باحدى المدونات عن وفاة الاستاذ الشرقاوي ولقد حزنت كثيرا
    ارجوك ان كان هذا الموقع يظهر الامايلات ارجو ان تحذف امايلي
    لك مني كل الود والاحترام

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: